مساااء الخير للجميع اطرح لكم هاذه المتواضعه واتمنى تنول على رضاكم
يامهرتي أخذي عهود ومواثيق
من قلب عاشق مايخون العهودي
يحرم علي فنجال كيف المطاليق
إن صار بعد الوصل هجر وصدودي
ويحرم علي بدع الشعر والطواريق
أن كنتنا للحب رجلن جحودي
ويحرم علي الضحك بين المخاليق
إن ضقت مني ياصغير النهودي
وإن كان تبغى للعهد زود توثيق
خليت خلق الله علينا شهودي
ياضحكة الخفاق في حزة الضيق
ويادمعة المشتاق قبل الوعودي
سبحان منهو نسق الزين تنسيق
عين المها من فوق حمر الخدودي
ولاّ العسل كل العسل منبع الريق
دون العسل ياحلو حمر السدودي
شفايفٍ لها مع التوت تطبيق
او كنهّا تشبه لحمر الورودي
في عينها درس الغلا للعشاشيق
وفي رمشها صفة سلاح الحدودي
تطرح طيورٍ عاليات التحاليق
وتهزم بنظرة عين عزم الاسودي
وان صح لي ياسامع القول تعليق
مامثلها فالكون هاذا وجودي
وسلااااااااااامتكم