هذه من اجمل القصائد اللتي قرأتها وسمعتها وهي لشاعر صغيرفي السن كبير في العقل والشعر والمكانه,,,,
الشاعر/
اللذي جابهه العلمانين عندما طلبوا قيادة المرأه
وهذه رائعه تحكي عن شي يعيشه البعض الان |
دري وش أكبر ذنـب فالشـرع والديـن ؟=أنـك تـسـب الـلـي خلـقـك وتـذمـه
وتدري وش أكبر عيـب عنـد المياميـن ؟=أنـك تخـاوي لـك مـن النـاس رمّــه
وتدري وش أخطار التجاوز مـن يميـن ؟=أنـه يكـون اللـي علـى البـاب عَـمّـه
والمشكلـه لاسلهـمـت فـيـك بالعـيـن=والريـح تنثـر فـي شعـرهـا وتلـمّـه
يضيـع فكـرك بيـن حــد الحجاجـيـن=ويمكـن تجـيـب الكـارثـه والمطـمـه
وتدري وش اللـي يدبـل الكبـد ويشيـن ؟=بعـض القصيـد اللـي علـى غيـر يمّـه
يابندر ابـن سـرور ويـن أنـت هالحيـن=ويـن أنـت يازبـن الأمــور المهـمـه
ويـن القصيـد اللـي يـدك الميـاديـن ؟=ويهـز شيـخ(ن) فـوق راســه معـمـه
وين الفكر ؟ .. وين الوعي؟ و المضمامين ؟=وويـن القصيـد اللـي يصحيـلـه أمــه
الشعـر والشـعّـار صــاروا عنـاويـن=ومهبـل(ن) تشـري قصـيـد وتصـمّـه
صـارت علـى ماقـال لعبـة وراعـيـن=وكـلـن تربعـلـه عـلـى راس قـمـه
يقـول أنـا الشاعـر وغيـري مجانـيـن=ودّك علـى مجـمـع حنـوكـه تخـمّـه
النـاس تذبـح فـالـعـراق وفلسطـيـن=وقصـايـده ياحـلـو عيـنـه وفـمّــه
عسـاه يوخـذ فالضحـى قولـوا آمـيـن=اللـي بنـات الـنـاس شغـلـه وهـمّـه
أحد(ن) يحـاول ستـر عـذرى البعيديـن=وأحـد(ن) يـدور بالـردى بنـت عـمّـه
قـد قالهـا بنـدر قبـل عــدّة سنـيـن=يثـور معـهـا الـحـر ويـثـور دمّــه
وإلا الـردي لـو مرتـه بيـن قوسـيـن=تـزول عـن عيـنـه مــزول المغـمـه
يابنت شومي عـن هـل الضعـف تكفيـن=مالـك ومـال الـلـي قـريـب ٍ مجـمـه
ويالشاعر اللـي مـن رجـال(ن) مسميـن=عليـك فــرض(ن) لازم أنــك تتـمّـه
الدار .. والعادات ... والسلـم .. والديـن=ثـم عقبهـا وجّـه علـى أيّــات يـمّـه