[معلومات العضو الهاج ـري]

يابري حالي من عنا الشوق بريـاه ## ## وياطي عمري كـل ماشفـت بيتـه
ويا عزتيلـي لا بغيتـه ولا القـــــاه ## ## ويا عل كبدي لا ذكـرت وطريتـه
اظروف تجبرني ولا اكـون ويــــاه ## ## سايـر الدنيـا لعـل ويـا ليـتـه
ما كني الا اللي رجا شـي ماجـاه ## ##والا مبشر في عـزا مـن رجيتـه
لا ضاق صدري اقصد الرجم وارقاه ## ##واناطح الغربـي ليـا مـن رقيتـه
ابيـه يجلـي هـم صـدرً تمثنـــــــاه ## ##والا يخفـف بالهـوآ مـا عنيـتـه
هذآك حالي من بعـد يـوم فرقـاه ## ##حالي تـردى ليتنـي مـا هويتـه
ممسي وطيفه داخل القلـب ممسـاه ##واصبحت ادور له معي مـا لقيتـه
اثره سرا وانا اعرف ويش سـرآه ## ## يحسبني اني فـي بعـادي نسيتـه
نذرً علي لو طول الوقـت منسـاه ## ## لو طال مدت غيبتـي مـا جفيتـه
والله يصبـر مـن زمانـه تحـداااااااه ## ## ويـرد لـه غاليـه ويـزور بيتـه
سوره ضلوع الصدر والقلب مبنـاه ## ## حوشه وساع الصدر والحـب ليتـه
والله يسامحنـي ويغفـر خطـايـاه ## ##كانه يظـن انـي سليـت ومحيتـه