السلام عليكم ورحمة الله وبركاته وبعد هذه القصيده هي رد من الشاعر : محمد بن حسين آل وعلان اليامي على قصيدتي اللتي نزلتها قبل أيام في المنتدى وهي موجودة على الرابط التالي وكلي أمل بأن تحوز على رضائكم ولو بالشيء اليسير.
http://www.aldawasser.com/vb/showthread.php?t=4006
يقول الشاعر محمد اليامي
بإسم من له يسجد العبـد خشيـه وإبتهـال=فـارجٍ هـمَ الاوادم وشـافـيٍ عوقـهـا
مرحبا وإعـداد ماهـب نسنـاس الشمـال=وعِدْ مالاحت شمـال وجنـوب إبروقهـا
وعِدْ ماتوجد على الارض حبات الرمـال=والبحـور أمواجهـا وأعـداد مابعموقهـا
وعِدْ مايوجد على الارض من ورد وجمال=والقمـر والشمـس بغيابهـا وشروقـهـا
ياصديـقٍ غالـي كـل ماجالـه مـجـال=الشلـي اللـي يوفـي الرجـال أحقوقهـا
ياعريب الجد والخـال ياوافـي الخصـال=شاعر حلـو القصايـد عـزف طاروقهـا
لالفاه أظيوف قـدم لهـم صفـر الـدلال=دلـةٍ مـن ذاقهـا ماسمـح مـن ذوقهـا
والشحم والطيـب يفعلـه قـدر للرَجـال=والهروج اللي يريـح الصـدر منطوقهـا
من هل الطولات والعز فـي يـوم القتـال=الرجال اللي على الطيب حامـيٍ سوقهـا
يشتكي ويقول لي ساهـرٍ قـد لـه ليـال=من غروب الشمس حتى طلوع إغسوقهـا
فما يضيع اللـي مثلكـم يهـدون الجبـال=سوقهـا يامسنـدي لاتـراجـع سوقـهـا
كان صايبكم هوى البيض حسنـات القبـال=صايبـك سهـم المحبـة وهـدك شوقهـا
من عشقهـم يادغـش ذايـق مـر وزلال=كل كبد فـي الهـوى ماتطيـب إحروقهـا
ضاربٍ في لازمك يادغش كـل إحتمـال=لـو نكلَـف يـام تدفـع جميـع إحقوقهـا
أعتبرني يادغـش مـن خوانـك والعيـال=لعـن أبوها فـزعـة ماتبـيـن إنثوقهـا
وكان تشكي الوقت فالوقت ياأبن الناس طال=أحـرق كبـود الآوادم وشـق أحلوقـهـا
كل ماقلنـا بتمضـي يجـي فيهـا ميـال=والسنة ذي بينت فـي القلـوب أشقوقهـا
والله أن قدلي وأنا صابـر ياأبـن الحـلال=وأكتم الاسرار وأدعـس علـى صندوقهـا