[معلومات العضو غلا نجد]

المشاركة الأصلية كتبت بواسطة محمد بن سالم الخضران

ياوجودي لاهدى الليل من بعد العتيم = وجد منهو قبلة الخلق ماصلى بها
شايب يومي به الوقت فالدنياء غشيم = والمنيه يم نفسه تسوق اركابها
ماله اعيال وحياته تشابه للجحيم = وماله الا ونة لا تضايق جابها
وياوجودي ياوجودي الى هب النسيم = والطواري لا طرت لي تفتح بابها
الخفوق يتله الشوق للحب القديم = والعيون تهل دمعا لشوف احبابها
والغلاء ثابت وحبه تمكن فالصميم = والغياب اسنين وشهور ويش اسبابها
علميني يالياليه ربه في نعيم = ورب نفسه للمواصيل ماعيابها
وعلميه ان المعاليق من بعده هشيم = مدهره وديان قلبي على ماصابها
وعلميه اني من الحزن والله العظيم = ان عيوني لاعها الدمع وضهر مابها
والله اني من فراقه كما الطفل اليتيم = يخفي دموعه من الناس لا يدرابها
من جروحه يرفع الصوت لاحل العتيم = من هموم اضروف بقعا ومن مخلابها
صابه الوقت المغربل على فقد الحليم = وصابني على هوى البال طول غيابها
كل ماهب الهواء نقض الجرح الاليم = وكل مابان القمر صورته لي جابها

صح اللسانك
احساس راقي
دام تميزك بطرحك الرائع
احترامي وتقديري