[معلومات العضو ابن فادر]

الـــســـلااام عليكم ورحمه الله وبركااااته

أسعد الله أوقاتكم بكل خير

حبيت ان أنقل لكم قصيدتين للعملاقين ضيدان وسلطان

وهي عباره عن أعتــــــذار من صاحب السمو الامير سلطان بن عبدالعزيز وقد عفو عنهم

	الشاعر ضيدان بن قضعان عقب العفو من سيـد الجـود كلـه = طاحت بي الدمعه على كف سلطان الدمعـه اللـي جعلهـا فـدوةٍ لـه = وانا بعد فـدوة مواطـي كحيـلان ويفداه من جاش البكـا رهبـة لـه = ويفداه دمع العين شكـرٍ وعرفـان حبيت ركبـة سيـدي حشمـة لـه = ولي الشرف ويصير لي عقبها شان البارحه كنـي علـى صلـو ملـه = واليوم مشرافي علـى راس مابـان عديـت روس النايفـات المطـلـه = واخترت من غر القوافي والاوزان في مدح من شـرد القوافـي تدلـه =تنقادله قـود العسايـف بالارسـان المـدح مالـه غيـر سلـطـان لله = والجود ماله غير سلطـان عنـوان اسمـه لحالـه دولــة مستقـلـه = ويعيش في ظله شعـوب وسلفـان وان قلت حكام العرب تحـت ظلـه= عندي على قولي دلايـل وبرهـان لياحصل في بعض الاوضاع خلـه= وتشتت فالروس الاريا والاذهـان هام الصعـاب وكـل عقـد يحلـه= مهوب في حل الصعيبـات بحـلان يشيل حمل اللـي عجـز مايشلـه = ويذري ذراه من أشهب اللال شيخان واليا بطش كل ثبـت فـي محلـه= واليا تغاضا طمرته طمرت حصان والعفو عنـد المقـدره عـادةٍ لـه= والحلم لوصدره من الغيض مليـان والجود من له غير سلطان من لـه= ومن للمحبه والمكـارم والاحسـان الله خلـق فيـه المكـارم جبـلـه= والله خلـق فينـا محبـة بليهـان ياحبنـا لـه والمحبـه مــن الله= نشري رضاه ونؤمن بحبه ايمـان وعن الشعر والمـدح كثـره وقلـه= يغنيه من يغني به اشعوب واوطان وان عاش راسي والسعد مقبلٍ لـه= لعوض روحي فالقصايـد لسلطـان الشاعر سلطان بن وسام الله ولابعـض السوالـف والعلـوم = تحمـل الرجـال مــالا يـقـدره مامن وراها الا المشاكـل والهمـوم= ياعنـك مافيهـا مـن الله خـيـره عسى غضب خطلان الايدي مايدوم = وعسـى عمـار الطيبيـن معمـره ياسيـدي سلطـان قومنـي وقـوم = وارجو من الله ثـم منـك المعـذره وانا عن الزلات مانـي بمعصـوم= والعفـو ياكحيـلان عنـد المقـدره انـا حفيـد اللـي يسـدون اللـزوم= يوم انهـا كانـت عبـوس وغبـره والبيرق الخفاق مـن دون النجـوم= وحدب السيوف مـورده ومصـدره بقيادة اللـي وحـد الدولـة عمـوم = شق الطريـق وحـد الله ونصـره عبدالعزيـز اللـي لياشـن الهجـوم= من صف عدوانه تضيـق المقبـره الياصفق له خشم من بيـن الخشـوم= من قوة الصفقـه يطيحـن عشـره واصل على خوض المعارك بالعزوم= وتقطعت عوص النجايب فـي ثـره لين العلم رفرف على روس الرجوم= في ظـل حـدبٍ بالدمـى معطـره وحنا ما غيرنـا العوايـد والسلـوم = اللي خلـق فينـا الـولاء ماغيـره معنا الولاء يزداد يـوم بعـد يـوم = في صدورنا حتى ولـو مانشهـره وحكي الرخوم اللي تروجه الرخـوم = والله ماغيـر فـي محبتنـا شعـره ياسيدي وان راحت الاصحاب قـوم = أحـد يسنـد علـم واحـد حــدره انا دخيل حماك يـا الأب الرحـوم = لاتستمع فينـا ولـد رجـل ومـره يامفرج الكربـات فـلاج الخصـوم= ملاذ من ضامـه زمانـه وعسـره انت الذي عن زلة الجاهـل تشـوم= واليا كسرت العظـم ماحـد جبـره محاسنك غيم ماهـو مثـل الغيـوم = اليا أصطفق برقه يسابقـه مطـره غيث قدومه حـي والله هـا القـدوم = يروي الفياض الجـرد لله وومـره وياسيدي ماحد من الطيب محـروم= قولة نعـم عنـد الرجـال مـدوره مير انت مثل طويق من بين الحزوم= كـلٍ تـذرا فـي حيـوده وشجـره تبي الحقيقه ياعسى عمـرك يـدوم= شعرٍ مايكتـب فيـك مافيـه ثمـره