قم يانديبي ورتحل جيـب ممتـاز=من مصنعه توه جديـد الطـرازي
اللون بحري وداخله لمعت اقزاز=يهزني نبراس شـوق اعتـزازي
فكس آر سبيرين شنطـه وهـزاز=وشاشت ماجلان وشمعات غازي
عليه غمرٍ لازهمته عطى العـاز=بسرعة الميراج لاعطى العزازي
سرا من الساحل مهمات وانجـاز=متوجهٍ للخـرج دار الاعـزازي
نصه ملف فرزان والحي يجتـاز=لحي السعوديه رجـال المغـازي
ينصا رجال الحيف والكيف مركاز=مقابلـة مـن لآد زايـد اعنـازي
لأبو سعد وسمتها مطـرق وكـاز=حبيت اميزها بحـرفٍ اعجـازي
ماقصدي اعجـازٍ ولانـي بلمـاز=تاج الفخر والجود والاعتـزازي
ياذيب نباريس النواميـس ماجـاز=حي العلـوم الغانمـه بامتيـازي
الملحمه ياذيـب للجيـل مكنـاز=تسلـم يمينـك يابعيـد المغـازي
يابو سعد نبرستهـا كنهـا عـاز=عاز الفروسيه علـوم او مغـازي
ثن السلام اعجابنا رمز الارمـاز=هواه نجـد وزمـزمٍ بالحجـازي
دونتها للـي لـه القلـب فـزاز=فزات حرٍ حـام ماهـوب بـازي
وهديتكم ابيـات بشاشـات تلفـاز=قـدرٍ ومقـدارٍ لنـاسٍ اعـزازي
الشاعر منير بن شايع الشكري
بيض الله وجهك يالقرم
وصح الله لسانك ملاييييييييييين ولايكفون
وأبو سعد يستاهل
عاطر التحايا
دغش البطي