اقتباس:
المشاركة الأصلية كتبت بواسطة حسن بن بطحيّه الودعاني
يالله اني طالبك من عقب هاالضيق انفراجـي= ياعظيم في يـدك للضيـق مليـون انفراجـه
يارحيم ويالطيف ماعلـى غيـرك خراجـي= ضاقت الدنياعلى عبـدك وبيدينـك خراجـه
اسئلك بأسمأك العظمى ورحمتـك العلاجـي= واحدماراح لااهل الطـب ينشدعـن علاجـه
مؤمن بك لوذنوبـه كالبحروالمـوج هاجـي= عندذكـرك ينهمردمعـه ويرعبـه المواجـه
تايب لك آيب لك وانـت تـدري بحتياجـي= واحد حتى شقيقـه مـادرى ويـش احتياجـه
عندبابك كـل ليـل يرفـع ايديـه ويناجـي= يسئلك بأم الكتـاب اللـي معانيهـا سراجـه
ترفع سيوف العقاب الي على رقبته سياجـي= موت مسلط عليه ورحمتـك غايـه وحاجـه
الحزين الي دفن حزنه تحت حـدب عواجـي= ماعلى غيرك شكاهمـه وحزنـه ونغلاجـه
عايش بين العرب صورة خيال في زجاجـي= يالله انك تظهره يارب مـن عنـق الزجاجـه
عايش مثل الغريب وغربة الـذات انتهاجـي= وعذاب اللي خذا الوحده عن النـاس انتهاجـه
حده اللي حد ابن صيـاح لوسـاع الفجاجـي= عن جميع الناس نـاس مايعرفـون لمزاجـه
اسئلك وان كان بالعمرالشقي يـوم ابتهاجـي= فانت وجهك لاتجلا بارضى سـر ابتهاجـه
الله الله والشعرلوكـان مالـي بـه مزاجـي= ساقني له مايسوق الرجل لـدروب العواجـه
لالبسني تعترينـي رعشـة فيهـا امتزاجي= وانتشي وذوب واشعرحيل في صدق امتزاجه
مايجي بينـي وبينـه باالتعابيـر ازدواجـي= من غلاه ارفع مقامه وارتدي سيفـه وتاجـه
عزتي للي يضيع صيدتـه وسـط العجاجـي= واشهدان لي صيدة ضيعتها وسـط العجاجـه
صيدتي ماهيب من صيد الحباري والدجاجـي= الحبـاري للطيـور امـا الثعالـب لدجاجـه
والطمع بالثانيه يذهـب مكاسيـب العواجـي= لاحصل هذي ولاهذيـك والمكسـب سماجـه
عود بريمـه يفـل اشدادهـا واليـل داجـي= في رجاصبح من المشرق يجي يظحك احجاجه
والعوض منه وعليه ولاعتراض ولاحتجاجي= مايفيد ابـن ادم كثـر امتعاضـه وحتجاجـه
|
ياحسن يبن بطحيه يالجمعاني يالودعاني
يقولون كاتم الشهاده ياثم قلبه انت شاعر من شعراء الدواسر القلائل
ألي تطربني قصايدهم وجزالة معانيهم وعمق مفرداتهم وأصالتها
شاعر تكتب القصيده ما تكتبك , ياكثر ما تذكرني بشلعان بن ظافر
إذا قريت لك نصوص وأعتبرك خليفته بدون مجامله خذها شهاده
من واحد غني عن مجاملتك كما أنك غني عن شهادته.
أخوك أبوثمام
