اقتباس:
المشاركة الأصلية كتبت بواسطة بو ثمام الدوسري
لو الود ودي يزيد همك ياعذب القيل=مهو كره مير ارجي المزون المراهيشي
تغيث القلوب بشعر يندر بهاذا الجيل=يغنيبه الي مقيم وايضا المطاريشي
لو انه سمع فيك ابرهه يوم قاد الفيل=تغنّا بقافك واردفوه الاحابيشي
تجيب القوافي مذلله والمعاني حيل=عقب مارعت في خايعٍ ما بعد نيشي
بوقتٍ هذاك يحط سلعه وهاذا يشيل=ورخص الحرير وغلي بسواقنا الخيشي
وراحت دكاكين الذهب كلها تقبيل=وكثروا مقلدّت السلع والمغاشيشي
وضاعوا هل الاذواق وتاهوا هل التحليل=ودحة تبوك امسى يدودح بها البيشي !
|
ابوثمام صراحة فتحت الصفحة وشفت قصيدتك الجزلة
وحبيت اجاريها...والمعذرة للاخوان لاني مابعد رديتيت عليهم
ويامرحبا واهلين يالوافي الحلحيل=رفيق يجاريني على القاف بالايشي
مدحني وانا واياه من لابة التبجيل=هل الجود والبارود والزود والريشي
هل العلم والناموس والكسب والتحصيل=دواسر طوال الزرق واهل المغابيشي
شكيت الزمان اللي على الناس قيل وميل=غدى الحر مر وشاخ راع الطرابيشي
فلاتلتفت للوقت والخيل مابه خيل=رجال الدلال وراح ناس مداغيشي
غدينا بهذا الجيل والليل والكوكتيل=وعسى الله يخارجنا من الغش والطيشي
رقى فيه متعوس الرجاء والدراهم شيل=ولو كان جده من حساب الدراويشي