اقتباس:
المشاركة الأصلية كتبت بواسطة نادر الناهشي
هذه قصيدة ارجو ان تتقبلوها اخواني الكرام
الا واعذابي كل ماقبل سوادالليل =تجيني همومي مثل ورد معاطيشي
ادافع هموم بالحشاء مثل موج السيل= ومن زود مابي عفتنا لذة العيشي
اراعي النجوم السابحة في الفاضاء الطويل= اشادي خفير حط في عسكر الجيشي
فياوجد حالي وجد من قل منه الحيل =غدا مثل طير مانبت فوقه الريشي
وياوجد حالي وجد خلج وهي هميل=غدا بالحوار الذيب ذيب الخلاالوحيشي
فيالله ياللي منزل مصحفك تنزيل =وياعالم بالسر من غير تفتيشي
تفرج لمن خلاه وقته يذوق الويل=همومه بتضهرله على غيرتنبيشي
|
لو الود ودي يزيد همك ياعذب القيل=مهو كره مير ارجي المزون المراهيشي
تغيث القلوب بشعر يندر بهاذا الجيل=يغنيبه الي مقيم وايضا المطاريشي
لو انه سمع فيك ابرهه يوم قاد الفيل=تغنّا بقافك واردفوه الاحابيشي
تجيب القوافي مذلله والمعاني حيل=عقب مارعت في خايعٍ ما بعد نيشي
بوقتٍ هذاك يحط سلعه وهاذا يشيل=ورخص الحرير وغلي بسواقنا الخيشي
وراحت دكاكين الذهب كلها تقبيل=وكثروا مقلدّت السلع والمغاشيشي
وضاعوا هل الاذواق وتاهوا هل التحليل=ودحة تبوك امسى يدودح بها البيشي !