بسم الله الرحمن الرحيم
هذه قصيده الشآعر/فآرس الفصام...
ياصاحبي بان لي ماكـان يخفانـي=والليل جاه الصباح اللي كشف ستره
خلك مع الموجه ولا تصير وحداني=ترى الشجاعه ماهيب مناطح الكثره
ومن جاب شي فقله كيف يافلانـي=جبته وغيرك يحاول مالقـا قـدره
يعني معاهم معاهـم مابهـا ثانـي=شقرا مع الخيل والعثره هي العثـره
وانا مثل ماطـرن بالوبـل ودانـي=امطر على القاع لين انه ظهر زهره
احفظ مقامي وانزه نطقـة لسانـي=عن طعنةً في ابن عمي لاعطا ظهره
لا بد تبـدي لـك الأيـام برهانـي=وتشوف من جملة الخلان ماتكـره
أشره على النادر اللي حسبة اخواني=ولا الردي ما التفت يمه ولا أشـره
هو مادرى اني زبون البكرة الواني=واني عديم الشبه لا حلـت الغتـره
لكن تجمـل عليـك الله ياحصانـي=واطمر ومثلك تعود عالي الطمـره
البندق اللي عليهـا وسـم جدانـي=وان لاح لي رميها ياكيف مااغفره؟!
امـا علشانـهـم ولا علشـانـي=ولكل رجلن نعـزه ونحفـظ قـدره
منقول