قصيدة قلتها في حفل البدارين ال شتوي في قرية البرود امل ان تحوز على رضاكم
(حــــــدحــــــســـــــام)=
الايـا الــه الـحـق يالـواحـد الـسـلام=عزيزالجـالال مقـدر الــرزق واسبـابـه
عليـك التكالـي يـارج الواحـد المنـضـام=الـى صوبـه وقتـه ومكـن بـه احـرابـه
ولاخاب مـن همـه علـى الواحـد العـلام=وغيـره ضعيـف ومـن تـرجـاه ماثـابـه
له اركع له اسجد واستوي فوق سبع عضـام=لـه ارفـع يدينـي واثـق مـنـه بالجـابـه
لـه احـج بيتـه واتزيـن بلـبـس حــرام=بـيـوم يمـاثـل سـاعـة الحشرويشـابـه
تضيع الرجـاوي بالمخاليـق شـرق وشـام=ويبـقـى الرجـافـي واحدًفـاتـح بـابــه
عليـه اعتمـادي فاليـالـي وفــي لـيـام=وبـسـم اصـدركـل مـوضـوع وكتـابـه
والاياقصيـدي ذاخـرك وانـت حدحـسـام=وحدالحسـام الـى افتعـل بـان مضـرابـه
ابي منك وقفـه شامخـه فـوق هـام الهـام=يـدون لهـا التاريـخ فـي صفحـة كتـابـه
في احدى محافل عزوتي مزعلـة الاخصـام=زحـول نهـار الهـوش لــروح جـلابـه
زحـول تحـول لدبـح الجيـش لـه درهـام=الـى ذل ولــد الاش والـخـوف قفـابـه
حنـا هـل العـادات نــارد ورود حـيـام=نفـرق جمـوع الخصـم ونضيـع حسـابـه
بوجـه العدوناقـف مثـل كاسحـات الغـام=يجيـنـا يـبـي مـنـا الـوفـا ونتبـادابـه
والى مـن وزانـا مجـرمً والطلـب مقـدام=نوقـف معـه وقفـة رجـل وانتواصـابـه
نسهرعلـى شانـه فـي الليـل واهـو ينـام=ويامـن مـن خصومـه بعدوسـم مشعـابـه
ايليـن استتـب الامـن بالله ثــم الحـكـام=هـل الموقـف اللـي طـول الايـام يدرابـه
هل المنهج اللي ماْختلف عـن هـدي لسـلام=يذودون عن هدي افضـل الخلـق واصحابـه
لهـم طاعـة المحكـوم لابـايـع الايـمـام=على منهج افضل من عطى افضل العهدواوفابه
ســالـــم بـــــن صـمــهــود=