اخواني الكرام قصيدة قلتها في احد الاصدقاء يتشره
ويقول عسى مانسيتنا واللي مثله ماينسى فقلت
يقول من علم الانسي مع الجني= هلت سحايب قنوف الشعر هتاني
قصايدن مالحقها الزور والمني=يوم اكثر الناس سوا افلان وافلاني
ياصاحبي خل وسواسك على ظني=هقوة هل الخير مع ذربين ليماني
خوي دربي اعزه وانشده مني=لامن تردى ردي الجد بالعاني
ان جاء الردى منه ماجاه الردى مني=الله يقطع رفيقن لااغتنى شاني
لاغاب عني نشدت وجيت متعني=واصبرعلى زلته لاكان زعلاني
محبة رجال يوم الوقت متدني=يوم الردي قال علان وفلتاني
طبع لنا من قديم ن والسبب لاني=من لاد دوسر عريب الجد ودعاني