السلام عليكم ورحمة الله وبركاته
اخواني الغالين مساكم الله بالخير والسرور , ابيات للتواصل
الصدر به من حكي الانذال هوجاس = وهذا الزمان اللي يطرى زمانه
تعبت من كثر التعراف بالناس = وتعبت من كثر الحكي والميانه
وتعبت من تفكير احماسه اسداس = ابني الصداقه دون أية ضمانه
والصده اللي قطعت حبل الانفاس = وشلي بها صارة على غير خانه
اشره على الطيب وهو طيب الساس = لا غير الرفقه بميلة السانه
معادني يمه وهو ميت احساس = من عقب ماسقت الركايب عشانه
واللي يزود الحكي لاجاه بلاس = بيموت ماحصل سمو ومكانه
عند الرجال اللي لها بالفخر ساس =والرجل قد قالو لسانه حصانه
خلقت بالدنياء وانا رافع الراس= والحمد للي عزنا جل شانه