اعزائي الكرام تقبلو هذه القصيده
لادرهمت دنياك لعداك تشناك=ومرقاك في عالي سحاب الغمايم
فعرف ترى مرقاك قد لخبط اعداك=شبت بهم نار الحسدكالبهايم
مرقاك من منشاك من فضل مولاك= احديلوم الله على لوم لايم
يالعالم المجنون بنساك وارفاك=لاني كذا دايم عن الشين شايم
بيممك واعلمك زود وارعاك=واجنبك درب الزلل والعظايم
مايستوي معجون لسنان والراك=تفنى الصناعه والين الغصن قايم
يازارع المغيال لوطاب ماجاك =يجيه من ريح الجفر والقمايم
وماكتب من مولاك لابد ينصاك=وكثرالدعاء يمحاه والرب دايم
وان فضلك ربك على الناس بداك=ومانزلك كثرالحكى والهلايم
وان فقرك دونه من الخلق ماغناك=ولاغناك جاك الرزق لوكنت نايم
ومن لاتذكرفي تصاريف لفلاك=ماينفعه كثر الكتب والعلايم
من ناحر القبله ايا يارب وارضاك=يكفيه ميلات البلا والجرايم
هذاولاياليل ياطول مسراك= هايم من الغدرى وانااقول دايم!!!
لون ربي لبس الحزن شرواك=مااظن يمشي والعزايم غنايم