هذه القصيده قالها الشاعر ماجد الحافي العتيبي في الشيخ / سعد مبارك القرنين وقد زاملني في دوره وسألني هل تعرف الشيخ قلت نعم قال أنا كاتب فيه قصيده متنومس بفعله وكلمة له لايسمح المجال بذكرها وفوز حشارة سنتين متتاليتين فأخذت القصيدة ونزلتها هنا بدون علمه لذلك أستبيحه عذراً
هات القلم وأكتب وأبرسل سلامي = وأرسل تحياتي وأثني بها دوم
وأخص أنا شيخ رفيع المقامي = أبو مبارك جعل يفدونه قروم
حر(ن) تعلى وأعتلى في السنامي = أخذ مكانه عالين فوق مزموم
يعيش راع العفر نسل الكرامي = في شفها يمشي ولاهوب مليوم
وأقفوا هل المفرود يوم الزحامي = وكلن يجيب علوم ويودي علوم
وجاتك تهدى بنت هرشن تمامي = وتفردت بالزين ماجالها توم
حشارة اللي يوم عدّ الأسامي = فازت وتستاهل ولها الفوز محتوم
ويستاهل البيضاء وفيّ الذمامي = أبو مبارك فوق مايلحقه لوم
وأقولها وأنا رفيع مقامي = من لابة يوم اللقاء تنطح القوم
ألاد حافي ملحقين الجهامي = نطاحة العايل ذباحة الكوم
وتمت وصلوا عدّ وبل الغمامي = على نبي بيّن الحق بسلوم
الشاعر / ماجد الحافي العتيبي