كفرت بالطاغوت وابـراج الافـلاك=وامنـت بـالرازق مغيـث الهلاكـا
يالادمي صورك واعطـاك واغنـاك=ومن الجهل تصرف لغيره دعاكـا
بسطت سبعٍ بالوطى جلت أسمـاك=ورفعت سبـعٍ محكمـاتٍ سماكـا
تخضع لك ارقاب الاكابر والاملاك=انـت العظيـم ولاعظيـم سواكـا
ياربنـا نطلبـك عفـوك وحسنـاك=عفوك شمل زلات عبـدٍ عصاكـا
نطلبك وفقنـا لطاعتـك ورضـاك=وممشاً على السنه ومنهـج هداكـا
ياجاهل بالوقت حـذراك حـذراك=لـك ساعـةٍ يكتـب بهـا منتهاكـا
(اللي يصيبك لو تتقيت ما اخطـاك)=وان ماكتب يخطيك لوهـو رماكـا
لله در اللي مـن اعصـور غنـاك=ونا علـى المعنـى بغنـي معاكـا
لابد ماتعـرف طريقـك وممشـاك=وتشكر كريمـاً بالفضايـل عطاكـا
بدايتك من تربـة الطيـن سـواك=ومن حلة التبجيـل ربـك كساكـا
وان كان كل الناس من تحت ماطاك=فعرف ترى كـلاً برجلـه وطاكـا
وتعيش في دنيـاك تايـه بعميـاك=تجني فلس كبـرك وهـذا خطاكـا
ومرافق الخايب علـى الـذم وداك=في ناتج المحصول صرتم شراكـا
وانجاء لزومك صد عنـك وخـلاك=في ساعة الضيقة عميلـك نساكـا
عليـك باللـي لشرابيـك فـكـاك=يفـرح بمندوبـك وطـاري نباكـا
يضحك احجاجه في مجيك وجمعاك=من عين راع الطيب تلقى عشاكـا
الفرق واضح بيـن هـذا وهـذاك=واعمل لما تفـرح بذكـره وراكـا