[معلومات العضو خيالية]

حقيقه مابقى للحب قيمه***وصار الحب للعاشق جريمه ‏ خطوط الحب تمشي في تعرج***عقب ماهي خطوط(ن) مستقيمه ‏ نوايا أهل الهوى والحب شانت***ولا عادت مثل لأول سليمه ‏ ‏ دخلت درب الهوى ومن لايعرفه***بلاعمدان يبني فيه خيمه ‏ ‏ وصار الحب للجاهل ومثله***بحق اهل الهوى هذي هضيمه ‏ ‏ تشوف اللي يحب يبوح سره***ويحكي لك جديده مع قديمه ‏ يبين لك لو أنك ماسألته***عزم روحه ولايبغي له عزيمه ‏ ‏ تصير اسرارهم لناس هرجه***يرددها نديم (ن) مع نديمه ‏ ‏ مع أنك كل ماتقراء قصيده***تشوف أبيات بالمعنى عظيمه ‏ ‏ تقول الله يعين اللي نظمها***وهو يشكي هواجيسه وضيمه ‏ بوناته غلب مجنون ليلى***خصيم(ن) بالهوى يشكي خصيمه ‏ ‏ وليا منك بحثت اصل العلاقه***لقيته حب غش وبدون شيمه ‏ ‏ علاقة تسلية يدفع ثمنها***كما عشق البهيمه للبهيمه ‏ ‏ محبه خاليه من كل معنى***محبه في معانيها عقيمه ‏ أقوله........حسرة(ن).......ماهي شماته***حقيقه مابقى للحب قيمه

0000000000000000000000000000000000000000

قصيده لشاعر: طلال السعيد