السلام عليكم
ارجو من الاخوه المشرفين تصليح الخلل الغير مقصود فى بتر القصيده
\
\
عند الهواجر طيبين المبادى .. يامرحبا من هجس وشعور وفؤاد
يامرحبا وحلوفنا بزديادى .. حلوفنا الاخيار وافين واجواد
اربع قبايل تعتلي فالشدادى .. الكل منهم للجزيلات وراد
الغانمين اهل السيوف الحدادى .. اسياد تتوارث رياجيل واسياد
الصاملين اهل الريا والسدادى .. اشوارهم تسمو على كل نقاد
العارفين سلومهم والعوادى .. تقليدهم عند الفخر بن وقناد
متلازمين وحلفهم بتحادى .. للفوز ياهل الفوز موقت وميعاد
متعاهدين وبسم رب العبادى .. ان الله الرحمن للعبد مرصاد
الطيبين الحاضره والبوادى .. هذا الخبر للى عن العلم نشاد
اليا دعنا الحق واللى ينادى .. مانلتفت فى قول حاقد وحساد
لجل الكويت وفى وجيه الاعادى .. نسقي ثراها الدم وترابها مهاد
كويتنا فالعز تبقي بلادى .. ماغيرها ديره ولا غيرها بلاد
بقيادة امير الكويت القيادى .. صباح الاحمد وارثن كل الامجاد
ونواف الاحمد يالكريم الجوادى .. ولى عهد الحكم للطيب حصاد
حنا رجال الدار عند الجهادى .. من دونها ناقف جماعات وافراد
واليوم فى ليل السعد والعيادى .. فالمجمع اللى فالرياجيل يزداد
بضيافه اهل الجود واهل الموادى .. عند الهواجر فالكرم خيرها زاد
هواجر وقحطان نعم العبادى .. ساس العرب فى معجم اللفض والضاد
منهم دليهي مثل طير الهدادى .. اليا كفخ علا وفى مخلبه صاد
والدوسرى طلعن طويل ووادى .. حنا هل الوقفات وسيوفنا حداد
منا ابو سلمان دكتور بادى .. يقول للجزلات من غيرنا عاد
ومطير حمران النواظر وكادى .. نسل الفخر والنعم ياعيل عباد
مقدمين اللى شبوحه بعادى .. والنعم يردف نعم يافهد عياد
وعتيبه الهيلا المكان الريادى .. رجالها فالطيب والموجبه راد
عنها طويل ذراع يرقا السنادى .. كلن يعرف الطيب سعدون حماد
ياحلوفنا تكفون صدق المرادى .. الفرز بكره والتنافس بالاعداد
امالنا فيكم وقدح الزنادى .. الموقف الغصاب ياعناد الانداد
الموقف الغصاب يبغي جلادى .. الصف لامن فك مافاد مافاد
حنا دليهي سعد ودكتور بادى .. وسعدون بن حماد مع فهد عياد
واختامها صلو على خير هادى .. صلي الله وسلم ولله ماراد
وسلامتكم