عند الهواجر طيبين المبادى=يامرحبا من هجس وشعور وفؤاد
يامرحبا وحلوفنا بزديادى=حلوفنا الاخيار وافين واجواد
اربع قبايل تعتلي فالشدادى=الكل منهم للجزيلات وراد
الغانمين اهل السيوف الحدادى=اسياد تتوارث رياجيل واسياد
الصاملين اهل الريا والسدادى=اشوارهم تسمو على كل نقاد
العارفين سلومهم والعوادى=تقليدهم عند الفخر بن وقناد
متلازمين وحلفهم بتحادى =للفوز ياهل الفوز موقت وميعاد
متعاهدين وبسم رب العبادى=ان الله الرحمن للعبد مرصاد
الطيبين الحاضره والبوادى=هذا الخبر للى عن العلم نشاد
اليا دعنا الحق واللى ينادى=مانلتفت فى قول حاقد وحساد
لجل الكويت وفى وجيه الاعادى=نسقي ثراها الدم وترابها مهاد
كويتنا فالعز تبقي بلادى=ماغيرها ديره ولا غيرها بلاد
بقيادة امير الكويت القيادى=صباح الاحمد وارثن كل الامجاد
ونواف الاحمد يالكريم الجوادى=ولى عهد الحكم للطيب حصاد
حنا رجال الدار عند الجهادى=من دونها ناقف جماعات وافراد
واليوم فى ليل السعد والعيادى=فالمجمع اللى فالرياجيل يزداد
بضيافه اهل الجود واهل الموادى=عند الهواجر فالكرم خيرها زاد
هواجر وقحطان نعم العبادى=ساس العرب فى معجم اللفض والضاد
منهم دليهي مثل طير الهدادى=اليا كفخ علا وفى مخلبه صاد
والدوسرى طلعن طويل ووادى=حنا هل الوقفات وسيوفنا حداد
منا ابو سلمان دكتور بادى=يقول للجزلات من غيرنا عاد
ومطير حمران النواظر وكادى=نسل الفخر والنعم ياعيل عباد
مقدمين اللى شبوحه بعادى=والنعم يردف نعم يافهد عياد
وعتيبه الهيلا المكان الريادى=رجالها فالطيب والموجبه راد
عنها طويل ذراع يرقا السنادى=كلن يعرف الطيب سعدون حماد
ياحلوفنا تكفون صدق المرادى=الفرز بكره والتنافس بالاعداد
امالنا فيكم وقدح الزنادى=الموقف الغصاب ياعناد الانداد
الموقف الغصاب يبغي جلادى=الصف لامن فك مافاد مافاد
حنا دليهي سعد ودكتور بادى=وسعدون بن حماد مع فهد عياد
واختامها صلو على خير هادى=صلي الله وسلم ولله ماراد