اخواني الاعزاء اعظاء هذا المنتدى يسرني ان اهديكم هذه القصيده القديمه وردي عليها والذي اسندها علي الشاعر عيدان بن راجس الهوامله وانشاء الله سوف اقدم لكم غيرها قصائد اخرى في القريب العاجل عسى ما نقدم يحوز على رظاكم
يقول عيدان
الا يا محمد شفت نور الهوى طفا= وبابيع قسمي سامح ٍباول السومي
الى عاد لاممشاً لذيذٍ ولا وفا= ولا ما يشوق النفس مانيب ملزومي
والى صار من عقب الوفا يظهر الجفا= فنا بانصح اللي من غرابيله سلومي
انا اخذيت منه يا فتى الجود ما كفا= مع الطيبين اللي لهم وجه وسلومي
وخرب النظام وكدروا كل ما صفا= وبار العميل اللي لعيني كما النومي
الى رحت صوبه كني امشي على حفا= اداري بروحي خايفٍ يلحقه لومي
عقب فرحتيبه فالشفا بيح الخفا= اكفيت البلا يابو هلا هاذي علومي
هلاً مرحباً باللي كتابه لنا لفا= تراحيب ود ٍ عقبها الرد ملزومي
قريت الكتاب وبان لي منه ما خفا= وباقول رايي حسب عرفي ومفهومي
هوى اهل الهوى التقليد لقاهم القفا= تباسوا بسلمه واصبح الذوق معدومي
غدى اطيبهم اللي فيه لا شق ما رفا= وصاروا هله من بين ظالم ومظلومي
واليا صرت تشكي من جفا راعي الشفا= على اول خطاه وزلةٍ منه لاتشومي
تراه الحليم اللي لاشاف الخطا عفا= ولا يلحقه في سلم الاحباب مثلومي
فليامن وظعت علاج عيبه ولا شفا= رعى الصنف مثلك له مناهيج وعزومي