[معلومات العضو نادر الناهشي]

ياهيه لو زانت لياليك قافيك =ان الله المعبود بالحق يجزاك
أذكر تواريخ الزمن عصر ماضيك=عصر الجدود اللي على الوجه تاطاك
لا والذي كثر بفعلك مساويك =ولا من بغى ياخذك يالنذل ماأخطاك
أن تلعن الدنيا وتلعن مغريك =كفرت بالنعمه على شانه أغناك
ان كان وقتك يابن الأنذال يعطيك=وتنفث سمومك يوم شيطانك أغواك
فا نا كعامك والليالي توعيك=ماأنساك لو تنسى ولا الرب ينساك
ياما دعسنا هامتك يوم نبغيك =ويا ما كسرنا شوكتك يوم نلقاك
تلبس ثياب بالمعزه تباريك=والجوف عريان من العز ينعاك
يالابس ثياب من الزور تغنيك=النقص في ثوبك وذاتك ومنشاك
حنا الدواسر في المواجيب تعميك =يالحاقد الحاسد ترى الشر مرباك
سود النوايا اللي على الشر تمليك= متشابهين الطبع والفعل شرواك
دواسر تعرف كوامن معانيك =لو كان ترقى في الثريا سبقناك
يمديك ياحصني المتاهات يمديك=حنا الشجاعه والوفا لا بغيناك
سعد الخوي يوم النذاله تخاويك =يالساقط اللاقط ترى ابليس نساك
حنا العرب حنا الشيم ويش مطغيك =وفي عصرناهذا بعز قهرناك
حنا هل الطالات والعلم ناصيك =بيض الصدور اللي تعلا نواياك