بسم الله الرحمن الرحيم
السلام عليكم ورحمة الله وبركاته
إخواني إدارة ومشرفي وأعضاء وزوار هذا الصرح الشامخ
أبارك لنفسي ولكم هذا المنتدى الذي طالما تمنينا وجوده لابدافع العنصرية
والعصبية الجاهلية بل من أجل زيادة وتوثيق أواصر الأخوةوالتعارف بين أفراد قبيلتنا
العظيمة ومن أجل تبادل الخبرات والأخبار والمعلومات عن أسلافنا بصورة تخدم
الحاضر والمستقبل .......
تابعت المنتدى منذ فترة ليست بالقصيرة وشدني كثيراً بتطوره الملحوظ
يوماً بعد يوم ولم تسنح لي فرصة المشاركة إلا هذا المساء راجياً من الله العلي
القدير أن نكون أعضاءً مفيدين ومستفيدين وأن نقدم مايليق بذائقتكم ويحوز
على رضاكم ....ولا أنسى قبل الختام أن أشكر كل من ساهم في تأسيس
هذا المنتدى العريق ومن قام على إدارته خير القيام.....
المنتدى هذا لنا سنين نرجيه=حلم وتحقّق في سما (النت) شفناه
لاهانوا أعضائه ولاهان راعيه..=(هايف) عساه إيدوم ذكره وطرياه
شيّد لنا صرحٍ إطوالٍ مبانيه=في قمة المجد إعتلى برج مبناه
كل الدواسر بالغلا تجتمع فيه=إخوان والحاسد نخيّب نواياه
قبيلةٍ مثل النجم في تعليّه=ترقى على متن السحاب وتعداه
خطلان الأيدي عاسفين المعاتيه=لاكبرت القاله نهار المثاراه
الدوسري كان إعتزابه ابناخيه=يسوق روحه وأحمر الموت ياطاه
وهذي فعايلنا مع اللي نخاويه=لوهو بعيد الجد نحمي تلاياه
لوقدمه اجيوش الدول مانخلّيه=ياننتصر وإياه ينموت وإياه
والدوسري لاشاهد الضيف ناصيه=كنه مبشّر با الولد لا تباطاه
تلقى الشحم والهيل والبنّ مرهيه=والعود الأزرق عالي الجو غطّاه
والدوسري راسه فلاهوب حانيه=ألا لربه في صلاته مع إدعاه
الدين الإسلامي نطبق مباديه=والرابح اللي صان دينه ودنياه
أمدح ربوعي با القصيد وقوافيه=وباقي القبايل فعلهم ماجحدناه
من يمدح إربوعه فلانيب شانيه=كلٍ يعدّد ماعرف عن دناياه
والطيب ضلعٍ كايداتٍ مراقيه=راعيه يتعب لين ياصل علاياه
وألا الردي ماهوب ياصل حروايه=من بارد إعزومه ومن ضعف مجناه
والرجل ماينفعه جدّه ولا أبيه=إن كان ما أظهرته مكاسيب يمناه
إن ماورد عذب المناهيل بيديه=راحت حياته هالكٍ وسط مضماه
واليوم من فضل الكريم وحسانيه=عصر الجهل ولّى وقفّت مطاياه
نعيش في نعمه وراحه وترفيه=ساد الأمن والذيب يرتع مع الشاه
لكن يكدّر خاطري عقب صافيه=وضع العراق اللي طوته المعاناه
الله ينصر من يجاهد في أراضيه=والله يهلك بوش واللي تولاه
وسلامتكم.....أخوكم برق الجنوب