[معلومات العضو نايف الخييلي]

بسم الله الرحمن الرحيم
الحمد لله رب العالمين والصلاة والسلام على المبعوث رحمة للعالمين
من باب توثيق قصايد المدح في اهل المدح والثناء و طرحها بموقع القبيلة , يسرني ان اطرح لكم هذي قصيده للشاعر مرزوق بن حليس بن طوري الخييلي في بداح بن مطرف الخييلي, ولها مناسبه عند ماسيّر بداح عليهم عند ابلهم واهدى عليهم قعودً طيب مع ناقه لقحه حاصل على مركز متقدم في إحدى المزاينات - والمناسبه مذكوره بالمقطع الصوتي - وبداح يستاهل المدح على فعايل يمناه وذكره الطيب بين العرب وهو من الرجال اللى فعلهم يطلق وجيهم وذكرهم بين الاجناب ينومس ربعهم ..



( وهذي صوره لبداح بن مطرف مع ناقته البويضا .. في أيام مزاين الخييلات )

ويقول عاد مرزوق بن حليس الخييلي \

ابدى بذكر الله على كـل الأذكـار= الواحد المعبـود والـي التدابيـر
يا عالمً ما بالعرب سـر وجهـار= العمر يمضـي والليالـي مدابيـر
يا مرحبا باللي لفـو البيـت زوّار=وعداد ما خـط القلـم بالتقاريـر
يا مرحبا يا بداح بقدومك الـدار= ترحيبـة ومعـطـرة بالنـواويـر
تسلم ويسلم من عطاياهـم كبـار=عطيتـه مـن جـل ذودً مغاتيـر
له مدةً جزله من الشـول وخيـار= مهيب حيـا الله مطايـا مداويـر
مرباعهن قبله وفي القيض محدار= يتبع هواهن في طوال المشاويـر
هذاك بن مطرف لا صار ما صار=لا فرعن بيض العذارى الغناديـر
يرخي رسنها كل ما عجّهـا ثـار=يضحك ولو صفت عليه الطوابيـر
لا كثرة الاريا مع الناس ما شـار=يجبع برأيً مثـل حـد البواتيـر
سقمً على العايل كما السيف بتّار=ريف الرفيق اللي حدته المقاديـر
يستاهل العليا علـى كـل مشهـار=زحل الرجال اللي يخسر الدنانيـر
هذا كلام اللي بدع زيـن الأشعـار=في حق منهـو وافـي ِبالتعابيـر
وختامها صلوا على راعي الغـار=واللي تبع نهجه وجيـهً مسافيـر

http://www.kll2.com/dldomx28327.3gp.html


(( القصيده صوتياً ))



________________________



وسلامتكم

اخوكم :: نايف الخييلي