[معلومات العضو ابوراشد الرجباني]

السلام عليكم ورحمة الله وبركاته
الشعّار انواع .. والشعر فيض والا غيض
وانا من النوع اللي لاراح اللي في خاطره .. خلاص توقّف ابياته .
وهذي من بعض نتاجي الشعري .
واتمنى ان تنال رضى واستحسان الجميع .
اقول :

لضاق صدري ياللي توحون غنّيت=جريت صوت(ن) على الطاروق فناني
صوت(ن) جريته وبيّح كل ما اخفيت =هني خبل(ن) ماذاق نص ماجاني
وان كنت ضايق بقول اني تسلّيت=بدلّه النفس تالي الليل وحداني
واذكر خليل(ن) عليه الشوق سميت=خل(ن) بقلبي بنى وحط مسكاني
خل(ن) من شانه نحل حالي ووليت=كله لعينه ماهوب اليوم من شاني
اقفى وقفّى وصافي الدمع هليت=تزاغر دموعي ودمع العين برهاني
اقفى وانا ارجي ياليت يعود ياليت=اسهر مااجامل ماابيه كان ينساني
شلعت قلبي ياخلي يومك اقفيت=ارجع ورفبي تراه مات شرياني
ياقو قلبك ياقلبي يوم صديت=الله حسيبك حبيبي كيف تجفاني
يامنوة القلب حلمي لو تمنيت؟=من قطر ريقك تراني حيل عطشاني
واعرف مادامه يحج ويقصد البيت=ومدامت الشمس تشرق فوق الاكواني
والله ما انساك حتى لو تناسيت=مانيب ناسيك لين ازور جداني

[CENTER]

وسلامت قلوبكم ...[/CENTER]