دائما نجد علي السبعان يأتي بقصائده التي تجبرنا على قراءتها
أكثر من مرة حتى نشاهد الصور التي يبثها عبر قصائده
أترككم مع إحدى روائعه .
أرخوا لك عيد وانتي عيد يمه
من لمحت بوجهك النور وعرفتك
كل نظره منك عيد وكل ضمه
احسبي كم عيد لي من يوم شفتك
في ظلوعي صبر شعب وطيبة امه
لو بغيت اوصفك يمه ماوصفتك
يامسا الرحمات ياغلى من تضمه
في الثرى لحدين والله مانصفتك
سامحيني ياطهر اهل الأرض ذمه
لو قدرت آسابقك للموت طفتك
لو قدرت افديك سقت الروح يمه
ولو قدرت احطفك من كفه خطفتك
يامسا الفردوس يازكى عطر اشمه
ياندى زهر الحياة اللي رشفتك
طفلك اصبح رجل بين عيال عمه
له عيون اشقر ولمحة ذيب تفتك
بس باقي طفل قدامك تهمه
نظرتك ويقول للذنب اقترفتك
يعترف لك باكبر ذنوبه بفمه
يحسبك تدرين لاقلتي كشفتك
تحت رجلك جنته ورضاك همه
وش علي ان قالوا الجهال خفتك
خفت فيك الله ولاخفت اهل نمه
لو طلبتيني عيوني ما كسفتك
صدق ماعرف عنك غير اللي ألمه
من كلام ابوي لكني ولفتك
من خذاك الوقت واضحى لي بعمه
قمت افتش داخلي لين اكتشفتك
كم حضني ثوبك وعانقت كمه
اسهر احكي لك ولانمت التحفتك
صدقيني شاعرك صرتي بدمه
لو جرحت اقصى شراييني نزفتك
هالغلا كله وانا ماعرفك يمه
ياترى وش كان باكتب لو عرفتك .