بيض الله وجه سود اليالي لوتجور= بينت لي قصة تصحي القلب الهبيل
قصة يبقى وجعها على القلب محفور= والله ان تبطي معي كان لي عمرطويل
قصة موضوعهامبهم بين السطور= سدمأرب هده الفارفي وسط المسيل
كيف بمحاذكريات الشريط اللي تدور= في خيالي كل ساعه وصبح وكل ليل
وكيف مدري طائر الحزن عودبالظهور= في بساتين الغلايشدو بروس النخيل
كنت اصدق ضحكة الوقت واحسبهاسرور= صافي قلبي والايام في حط وشيل
كنت اجامل واتحاشاكثيرمن الامور= كلهامن باب خذلك على الدنياخليل
لين جحادالجمايل بدى منه النكور= مانفع به كثرطيبي ولاصان الجميل
والله اني بالعطامابدرمني قصور= كون نهرالنيل يصبح على شعبه بخيل
والله اني بالوفامادخل قلبي فتور= لاكذاولاكذالاكثيرولاقليل
اولله اني ساعة الجدلي عزم جسور=لاتولم بالسكاكين مع طيحة اشعيل
يالله سترك وش جرى باليالي وشهور= كل ماعدلتهامن جهه لاخرى تميل
وش جرى بالناس تجزا الوفاغدروتبور= لاسبب واضح ولاعذريشفي لي غليل
وكل ماشبيت للمرجله بالليل نور= طحت في ناس لك الله يطفون الفتيل
وكل ماخيلت في واحدصدق اشعور= اكتشفت ان الوفاصارشي مستحيل
اشهدان الشرباالناس تخفيه الصدور= والتعامل بالمواقف عليه اكبردليل
وانت ياسبة عذابي وهمي والدبور= باتحسب حسبي الله وهونعم الوكيل
لاتعذرمايفيدالعذرماانت معذور= ميروفركثر الاعذارمامنها حصيل
[/poem]