10-01-2009, 09:40 PM
|
#1
|
 إحصائية
العضو |
|
|
|
(اول مشاركه اتمنى تعجبكم)
بسم الله الرحمن الرحيم
هذه اول مشاركه لي بالمنتدى واتمنى ان اقدم اضافه لهذا المنتدى الشامخ
هذه قصيده ارسلتها لابن عمي الشاعر \ناصر ناجي ال عمار الدوسري وبأضيف رده ان شاء الله
بسم الولي سميت بعده تـعـليــت=رجــم طويل هـيض الـلي رقــابـه
نظمت لي بيت وغنيت لي بـيـت =وسجلتهابرأس ماهـي كــتــابـه
اشكي على ناصرولد ذايع الصـيـت=ذيب قنب واسكت جميـع الـذيابـه
هومحزمي بالضيق ضد الطواغـيت=يمناي ضد القوم وقت المــجابــه
الحب ناحل مني الحال وأزريـــت=أزريت من حال تزايد عـــذابـــه
بارود في صدري ومخلوط كبريـت=والـحـب نار مـاحسبنا حـسـابـه
لا تقول لي اصبرمن الـصبر مـليت=القلب سهم العشق ياخوك أصـابه
وأختامها يالله حامي حمى البيت=تـفرج لمخــلـوق تـمــلل ثـيــابــه
وهذه القصيده رد الشاعر \ناصر بن ناجي ال عمار على قصيدتي السابقه
يامـرحبـا الـفـيـن والـفـيـن حـيـيـت=وعـداد مـاخـط الـقـلـم بـالـكـتابـه
يـالنـادر الـسـاطـي انـا لـك توحيـت=وقـلـبـي عـقـب شـكـواك جدد صوابه
ذكرتنـي خـل(ن) وانـا قـد تـنـاسـيـت =حـبـه وشـكـوى خـلـك الـيـوم جـابـه
الــصـبــر لابــده ولــوك تــوانــيـت=الــصـبـر مـفـتــاح لـقـلـبـه وبـابــه
فن كان خلك حاسب(ن)بك الى جيت=وغيـاب خـلك حاسب(ن)كم حسابه
مدري عــلامـك مـاتروح على البيت=وتـواجـه الـشـايـب وتــاخـذ جـوابـه
امــا عـطـا ولـطـلـبـتـك قـال لـبيـت=ولاتــرانـي جــاهـز (ن) لـلـحـرابــه
جمعت له ربع (ن) نشاما شفاليت=الـكـل طـش عـمـامـتـه ولـتـوابــه
احـد (ن) بـبــلـجيـك وانا بلبلاجيت=حـتـاك تـسـعـد فـي مـقـادم شبابه
وان كان ماهو ناشد(ن)لامن ابطيت=فـطــرد الـمـقـفـي يـارفـيـقـي خيابه
وان كان قالت هرجت(ن) وانت حبيت=الـحـب هـذا يـاصـحـيـبـي سـوابــه
الـحـب لامـنـك بـحـبـه تـشـقـويـت =عــفـت الــمـنـام ودايــم (ن) عند بابه
وسلامتكم
اخوكم \ملفي هادي ال عمار (الملكي2006)
|
|
|
|