بسم الله الرحمن الرحيم
السلام عليكم ورحمة الله وبركاته
نشكر شعرانا عالإبداع والتفاعل والمشاركة ومجاراة الابيات المطروحه
فالمشاركات مميزه لاهنتو.
فهنا ابيات من الاخ الشاعر الاستاذ راشد المسعري
يقول فيها ...
عساه يسقى لاجتمعنا على خير = الصف واحد والعزايم قوية
في محفل(ن) فيه الرجال المناعير = اهل الوفا والطيب واهل الحمية
في محفل(ن) متميّز ويذهل الغير = إتحل فيه المشكلة والقضية
أما سجين مبشرينه بتحرير = أو عاطل(ن) ينسى الحياه الشقية
والابيات المجاريه هي :-
(1)
أبنجتمع فالخرج والكايد يصير = جمع الدواسر كلهم تحت فيّه
ونخرج بروضً كل نبته نواوير = علت عليه امن الزمن موسميّه
ونسوق لهل الطايلات التباشير =يفرح به "المسجون" و "اهل المطيه"
هذا وعد يا أهل الوجيه المسافير= أقسم على عزوم الرجال الأبيّه
(2)
جمعا النشاما دايم يجيب تأثير =الجمع ولفة والتناحر أذية
واليا اجتمعنا كالسيوف البواتير =كل ابلج يبهج ويسعد خويه
عند الحطيم وكلبوها تياسير =في واحة بالخرج دايم ندية
يجون خطلان اليدين الهزابير =من كل فج وكل دار ونحية
المقصد المقصد ولافيه تغيير =الجمع ولفة والتناحر أذية
(3)
يجمعكم الله يالدواسر على خير=الخالق المعبود رب البريه
اسج ابيكم لو انا مع حد(ن) غير=وابي اوصيكم بهذي الوصيه
ياهل القصايد يالقروم الشواعير=غزه قصيدتكم تراها قضيه
قضية(ن) هزت رؤؤس الاساطير=خمسين عام وهي تذوق الاذيه
(4)
يالله ياللي ما تحسب المخاسير=يالواحد اللي في يديه المنيه
تجمع بني عمي سلالة مغاوير=على النقا والخير والمقدريّه
وتخلّي الصعبه عليهم تياسير=ويساعدون اللي في سجونن شقيه
وتجعل اموره من بعدها تباشير=لين ايتهنّى في حياةٍ هنيّه
هذي ترا دعواي من غير تكثير = لي أستجيب الها يرب البريه
(5)
من دار طيبة للرجال المناعير=في حفلهم يالـله عســـــــاها وفيه
يالـله عليهم بالسحايب مزابير=تسقي رياض الولف تمحي خطـــيه
جزل الفعول افعول دايم لها خير=تجبر كسير الساق حمي وحميه
حفلٍ يضم اخيار مالة مخاسير=دواسـرٍ للربح دايم قنيه
(6)
وفيها وصل لـرحامنا يالمسافيـر=وصّـى عليهـا الله بسنـة نبيـه
جمعا معـزه كلهـا بنيـة الخيـر=ينساق فيهـا الطيـب والشاذليـه
على الربوع ألي تفـل الطوابيـر=يوم البرا مـردود بنجـد العذيـه
وديارنا من دون تثليـث لسديـر=ومن الدهو وخريص لين الغبيـه
ماجنبتها القوم حشمـه وتقديـر=كل(ن) يبيها ودونهـا الصيرميـه
عزوة فخر من زايد وسالم الزيـر=وجدودنـا تـارد عليهـا المنيـه
ياربعنا مانـي كثيـر الاشاويـر=مير أن شوري ذا لزوم(ن) عليّـه
قولوا لضاري ياعشيـق الغناديـر=ياوارث الشيخـه مـن الجاهليـه
مجد(ن) بنوه جدودنـا فالبواتيـر=وساقوا له الارواح سوق المطيـه
يبوسعد لايضيّعه خضر وخضيـر=أهل الخزا وأهل النفـوس الرديـه
هذاك ملحق نار وذا نافـخ الكيـر=وجابوا لنا بين الخلايـق زريـه
وعندك خبر بقرادها ثّـور بعيـر=والنـار مبداهـا شـراره خفيـه
وأجيالنا تجهـل كثيـر التفاسيـر=والخوف كل(ن) لايبـور بخويـه
ياشيوخنا ماعـاد فيهـا معاذيـر=الشق لامن كبـر يصعـب رفيّـه
قال المثل لاضقت من وارد البيـر=طمّه وتسلم مـن الاذى والاذيـه
وسد الذرايع عن كثير المحاذيـر=واجب على ألي عندهـم مقدريـه
روحوا لأخو نوره زبون المخاسير=سلمان حاكم نجـد ياحـي حيـه
خلوه يامر بالعجـل دون تاخيـر=يوخذ على التايه عهود(ن) قويـه
وأن عادها يركس كما يركس العير=حتى يعرف ان الحـدود امحميـه
ونرتاح من كثر الغثـا والتفاكيـر=وألي نوانا بشـر نخلـف نويـه
ويلي على الحفله عزمتوا مسايير=قولوا لضاري (لاتضيع الوصيـه)
وختامهـا ردوا معـي يالهزابيـر=( الله يعـز العـزوه الدوسريـه )
أعضاء منتدانا الشامخ
هنا
(صدى نبض قصائد)
بنجومه وبوحهم المميز كما عهدناهم بين اياديكم وامام اعينك
م*لتقييمها*
والتصويت على اي الابيات المجاريه في الوزن والقافيه والمضمون
باستطاعتكم ان تصوتو لكذا مجاراة في ضغطة زر مره وحده
فالمجال الان مفتوح امامكم للتصويت ...