السلام عليكم ورحمه الله وبركاته
اخواني الاعزاء في هذى المنتدى الشامخ
لقدرأيت قبل قليل في الآخبار شيء من مجازر الصهاينه على اخواننا المسلمين في
غزه ولقد اخبرني بعض الآخوه ان الوضع هذى مستمر له ايام فلاحول ولاقوه الابالله
العظيم
فجاءت القصيده بنفسها وكتبتها لكم
الله يجير من القهر يارجاجيل=والله يجير من الغبن ياميامين
شي(ن) يزّود في عقول المهابيل=شي(ن)يغبن القلب والنفس والعين
ذبحه واهانه في عيون المعازيل=ودمعات بعيون النسا والبزارين
اليا نظرت لدمعتن كنها الويل=كنها تقول الله عليكم محبين
الله عليكم وش بقا للبهاذيل =الله عليكم من فعول الملاعين
الله عليكم يالرجال المشاكيل=الله عليكم ياعيال السلاطين
شفتو وحنا في يديهم مكابيل=وشفتو مجازرهم علينا من الشين
وش عذركم من دمعتن كنها السيل= دمعه حزينه من عيون المغابين
وش عذركم من فزعتن تنهض الحيل=وش عذركم لاصار يوم الموازين
وشلون ترضون الاهانه مع الميل=على الشعوب المسلمه ياهل الدين
لاياعمر ماجبت راحت تساهيل=عقبك طغا الصهيون داخل فلسطين
ولاياصلاح القدس صارت تماثيل=وصارت مراكز لليهود المغليّن
وآمعتصم وآمعتصم راعي الخيل=يالقايد اللي فزعتك تقضي الدين
عقبك طغا الكافر يزود المكاييل=يشهر لنا سيف(ن) يشيله بحدين
وسلامه الجميع