اقضي الوقت بين الامنيه والخيال=مابين هذا وهذي ماتعديتها
ان قيل لي كيف حالك قلت في اعز حال=وانا همومي بوسط القلب كنيتها
كم حاجة قلت انا ابغاها وصارت محال=وكم حاجة جاتني لو ماتمنيتها
اشوف كل شي احبه صار صعب المنال=وكل الهقاوي تضيع ليا تهقويتها
مابين كبر الجواب وبين صعب السؤال=النفس من همها زادت تناهيتها
الله اكبر على ذا الوقت لامنه مال=في ساعة ماحسبت حساب توقيتها
ياحسرتي كنتا اشرب كل عذب زلال=واليوم الايام ذايق طعم حلتيتها
دخّلت الاقدام والايدي بوسط الحبال=وقيدت نفسي عقب ماالعين غطيتها
كله على شان اجنب هرج قيل وقال=هروج تسل حالي كل مااوحيتها
حظي مفارق وجاله من وصالي جفال=كم ونة من سبب فرقاه ونيتها
ياحظ بالله لاتترك خفوقي تعال=رد السعاده لقلبي عقب تشتيتها
اقولها عقب صمت داخل القلب طال=ياليتها ترجع الايام ياليتها
يوم ان اكبر همومي في النصر والهلال=والكوره اللي زمان فات حبيتها