ابداع
لامس
الاحساس
للشاعر الراقي
خـــالـــد الذيــابــي
جريت صوتي بعد صبري قضى طـوره=أدًلـه النفـس بألحـانـي وأرددهــا
أخـاوي الليـل وأستانـس بديجـوره=وأرقب نجومه قبـل تطلـع بموعدهـا
الهـم يلعـب بقلبـي لعبـت الكـوره=لعـب البرازيـل لاقـامـت تسـددهـا
والضيقة اللي بوسط الصدر محشـوره=عجزت لالقـى علـي حاجـة تبددهـا
واليوم حالي مـن الكتمـان مخطـوره=والظاهر إنى سببها رحـت مـع يدهـا
أضحك وأنا أعيش طعن الحزن وشعوره=مشاعـرٍ يتعـب الهاجـس يعـددهـا
أذوق طعـم الـحـزن دوره ورا دوره=وتمـر كــل المـواجـع وأتفقـدهـا
ليل الوجع ليلٍ أظلم مـا أنبلـج نـوره=وجمر المواجـع تزايـد فـي توقدهـا
ياموزع الضحك دام النفـس مسـروره=خـل البشـر وأنتبـه حـذرا تعودهـا
لاشفت شخصٍ يعيش الهم مـع جـوره=تحمـد الله قـبـل مثـلـه توسـدهـا
وين أنت ياللى سببك الروح مقهـوره=الروح ما فيه غيرك شخـص يسعدهـا
هواجسـي كنهـا ويـاك مسـحـوره=وبغيبتـك تعـلـن بـقـوه تمـردهـا
ياروح روحي وزرع القلـب وزهـوره=النفـس وش فيـك بالغيبـه تهددهـا
للحزن من غيبتك فـي داخلـي ثـوره=هاذي ظلوعي عـن طعونـك تنشدهـا
النفـس ويـاك منهـيـه ومـامـوره=يلـوح براقـهـا ويــدن راعـدهـا