بسم الله الرحمن الرحيم
السلام عليكم ورحمة الله وبركاته
بعد غيبه طووووووووووووويله نعود لكم من جديد
و يسرني مشاركتكم بهذه الابيات و إن شاء الله تحوز على بعض رضاكم
و التي أقووووول فيها :
تدور الليالـي بالزمـن والرجـال أشكـال = رجـالٍ كفـو ورجـال بعقولهـا خـفـه
رجالٍ ليـا ثقـل الحمـل للحمـل تشتـال = سوات الجمل مـا حسبـت ثقلـه وخفـه
سواهم حزامي لا لتـوا الوقـت وألا مـال = و أنا محزمه لا صـار فـي دنيتـه لفـه
راع الطيب مكسب للعرب وهو راس المال = تشوف النشاما كلهـم معـه فـي صفـه
ألا يا بعد من ينقل القيـل هـو و القـال = ليا صـاروا بكفـه وهـو وحـده بكفـه
يا حيثه جبل متسلسلٍ مـن سـلال جبـال = مخاوى سواته كـل شغمـوم هـي شفـه
بعكس الردي ماله مع أهل الوفـاء منـزال = جميع البشر ضده كما الجيـش مصطفـه
ما يمشي معه كـود الردييـن و الأنـذال = وقوم المكـارم عنـه يـا الربـع منكفـه
عسى النذل مع شرواه يا طيبيـن الفـال = فـدا كـل قـرمٍ بالسخـاء مرخـيٍ كفـه
هل الجود تفرق عن هل الشح في الأمثـال = وهل الخزي تفرق عن هل الطهر و العفه
ترى الفرق واضح يا عرب والرجال أشكال = رجـالٍ كفـو ورجـال بعقولهـا خـفـه
و سلامة الجميع
أخوكم الشاعر : مسفر بن منيف الدوسري
أبو نايف