راكب الـي ماضهدهـا الحيـام
اديب لاشديـت حبـل الصريمـه
ماحداًعقلها عقب مربـاع عـام
ماغير اهي في دايجً بالحشيمـه
تنصى بنا الي جارهـم مايضـام
قصيرهم بالسلم ماحـداً يضيمـه
فـي غبـةً يرعونهـا بالجهـام
مرجوعةً عقب الوسامي القديمه
لامن شبـك نوارهـا والقصـام
متنبهً عشب السهل عقب غيمـه
كن الزبيدي في المحاجر عظـام
ماعاد له في كل الاسواق قيمـه
نبغي نشوف ربوعنـا والعمـام
كبدي على شوف الجماعه محيمه
ابا انصح اللـي يفتهـم للكـلام
سلامةً من بعض الاشياء غنيمـه
يالله طلبتـك يارفيـع المـقـام
يمنـاك للـي يطلبونـك كريمـه
انك تجيب الولي من عقب الوسام
يهمل على نبت الصلاعه هديمـه
يسقي لنا داراً ربت فيهـا الادام
تلقى لنا فـي طارفتهـا وسيمـه
اما الرشم ولا عليهـن ً الوشـام
والخده اليسرى تراهـا سليمـه