[معلومات العضو خالد الودعاني]

لبا قليبك ياهوى الروح والبال=لبا العيون اللي ذبحني هدبها
ذيك الرموش ان سلهمت تذبح ابطال=كل الجروح بسهمها من عطبها
انا اشهد ان العين تذبح وتغتال="سادات" يمكن اغتياله سببها
و لبا الخدود اللي بها حبة الخال=تجهر عيون القلب لامن رقبها
و لبا الشفايف ذيك والريق لي حال=سكر نبات و شهد صافي من "ابها"
من رمي قلبي ظبية(ن) صابها جفال=فزت تلفت كن نبضي ضربها
و لبا الشعر من فوق الامتان شلال=كن الرذاذ اللي يجيني طربها
قلبي تعلق فيك يا طيب الفال=يالله عسى فرقاك مالله كتبها
جيتك..وانا قلبي للاشواق مدهال=شوقي كما نار وضلوعي حطبها
جيتك..وانا تحتي من الخوف زلزال=يقوله اللي خطوته ما حسبها
خايف..وانا انطح حول خمسين رجال=خايف..لااموت بفرحتي لو سلبها
تضرب (مثل) في فزعتي كل الاجيال=فزعة قبيله لاتناخو عربها
هذا الهوى عزه للاحرار اذلال=كم راس قوم(ن) عزته به جلبها
بحر الهوى يغرق به اللي على الجال=و ناره تشب بخافق اللي قربها