[معلومات العضو المسعري]

السلام عليكم ورحمه الله وبركاته
مساكم الله بالخير
هذه القصيده قلتها ووجهتها للزميل((( الثابت )))في منتدى وادي الدواسر

اقـــــــــــــــــــــــــــــــول فيها

ياراكباً من فوق ميراج الالفين=ون هندرت ثاوزن محرك حصانه
ميد ان يو اس اي ميدي الملاعين=صنعت نصارى ماتعرف الديانه
من نوعها سطر عليها عناوين=من نوعها سجل عليها حصانه
ترخي متون الموت صنع الشياطين=اليا اضهروها من خبير الصيانه
تنصا لنا ربعاًعزازاًحشيمين=واخص منهو عالياً في مكانه
راشد سمي العود سقم المعادين=اللي رقا بالعز عالي مكانه
سلم عليه وقل له العلم ذالحين=سلام ياشبلاًرفيعاًمكانه

وهذا رد الاخ الثابت

سر ياقلم واكتب من الشعر قافين=اكتب وانا بعطيك مافي الخزانه
الشطر الاول حاكمينه على اين=والشطر الآخرحاكمينه على آنه
فياراكباًمن فوق مثل الشياهين=ام دي ناين تين على الضمانه
ميد ان واشنطن وتجميع برلين=سواقها جورج الخواجه تكانه
مطلعاًرخصه بفن وقوانين=ماهوب بخشيشاً وضحك وميانه
ينصا بنا ربعاًكراماًعزيزين=مدلهين اللي يضيمه زمانه
عاداتهم فالعسر واليسر واللين=طبع الكرم طبع الوفا والرزانه
ثم خص ابو خالد رفيق الميامين=عطه السلام وعطه منى الامانه
يامسندي قدرك على الراس والعين=ترقى بعال الرجم ماهو طمانه
يادرع ابن عمك على الزين والشين=يرقى سنود ان كان مثلك اوزانه

وسلامة تالجميع