اقتباس:
|
المشاركة الأصلية كتبت بواسطة فراج بن مشنان
سلام الله عليكم و رحمته و بركاته ..
اخوني و اخواتي ,, اعضاء و زوار منتدى الدواسر ...
اضع بين ايديكم هذه المتواضعه ,, و اتمنى ان تنال على رضاكم و استحسانكم ..
و ان ترتقى الى حد ذائقتكم ..
الا يـا مـلّ قـلـبٍ بالـمـوده = سلبه الزين ما هو بالذراعي
تلاعب به و بيّح فيه سدّه = و بدل عنه وصله بنقطاعي
يعشّمني و يقصر دوني مُده = و انا موفي له الكيله بصاعي
يورّدني على بيره و عدّه = و يـصدّرني و انا ظـميان قـاعي
ينام اللـيل خـده فـوق يـده = و انا هاجوس فكري غصب واعي
اصفف له قصيدي ثم ارده = و اشل الصوت حزات الهـجـاعي
صغير السن لون الورد خده = غضيض العود و عيونه وساعي
تمكن في ضميري و استبده = و لا هـو للـمحبه يــوم يـراعي
و انا لي قلب شوقه دوم يحده = على من لا شرى حبي و باعي
على منهو سـلبـني بالـموده = حـظـيظٍ مـا خـذاها بالـذراعي
ولو هي بالذراع و فعل زنده = حرام اني لـطّـرحهم صراعي
و لو هي بين جدي و بين جده = خذيناهم و لو دون المناعي
و لـكن نـدّ والـمحـبوب نـدّه = سفيـنـه والهوى يبغى شراعي
يـمـيل الـوقـت ما نـقدر نـردّه = بطيع الوقت اذا ما الوقت طاعي
و اكيد ان السعه من عقب شدّه = و يطيح الطير عقب الارتفاعي
و سلامتكم ...
و سامحوني على القصور ... |
أرررررررررررررحب يا فراج مدد
الله درك يابو مشنان ويصح السانك
على ذالرايعه قصيده جزله ولاحصل قصور
وافي جعل عمرك طويل سلمت يمناك لاعدمتك
وبيض الله وجهك ومثل ماقال راعي المثل من
طول الغيبات جاب الغنايم وعزالله أنك جبتها
لك مني جزيل الشكر والعرفان محبكم
ابن هديهد