هذه قصيده غزليه ارجو ان تحوز على استحساانكم
زماني تحدانـي وانـا ماقـدرت اقـواه=عليك الله اكبر يازمن بحـت بسـدودي
حاولت انا اصبر مير صبر الهجر ماقواه=قد لي سنه عن داعج العيـن وتـزودي
الله يصبـر مـن يحبـك علـى بلـواه=ويشفي فوادن من عنا الحـب ملهـودي
القلب يكفخ كفخه الطيـر فـي طريـاه=وطرياه عندي كنه جالـس وموجـودي
خليل علـى ذبحـي تلـذذ بمـا سـواه=كواني علـى قلبـي بشبـاب عبـرودي
عقب ماتمكن بيـن الأضـلاع ياعـزاه=ودرى انه نضر عيني ولا غاب مرمودي
وجودي عليها وجد من في الصحاري تاه=تاه الطريـق وجرتـه سفهـا النـودي
في وقت قيض وعزبتـه مابـه الا مـاه=والمـاء قليـل وشربتـن مابهـا زودي
انا ويش اسوي كيف ابنساء لذيذ حكـاه=والقلب مني بيـن الاضـلاع مقـدودي
صبرت صبر ايوب والعقـل منـي تـاه=تالي زماني ياعـرب بحـت بسـدودي
شعر : مسلم مطلق ال عماري