قرأت قبل قليل في إحدى المنتديات
موضوع في عرضه " أن الدواسر من شبابه"
وهذا الزعم خطاء ولم نسمع به ابد..
فقلت هذه القصيدة الارتجاليه رداّ على هذا الزعم
اتمنى ان تنال اعجابكم ...
ياللي علومك للخرافه تشابه = من هاجسن صادق تفضل لك برد
الهرج نعرف مخطيه من صوابه = ومنهو تعدا الحد يبشر له بحد
لنا بلاخندف ولنا شبابه = إنا بني زايد ونرجع إلى الأزد
تاريخنا ماهو بزور وكتابه = تاريخنا محفوظ جدن على جد
وامجادنا من فوق عالي السحابه =ومن قال عدّ فعولكم .. مالها عد
منهاجنا نهج النبي والصحابه = منّا من اللي تابعينن هل الرد
رجالنا كسب العلا في شبابه = وعن موقفه وقت الشديدات ما صد
الدوسري رجم المدايح رقابه= يالين في راسه من المرجله عد
وسلاااامتكم ,,