السلام عليكم ورحمة الله وبركاته
اولا هذي اول قصيده انشرها بالمنتدى بعد طول انقطاع ..
والقصيده لبّها واضح ولا تحتاج زود تقديم ...
طالت مماشينا على درب ٍ يضيعه الفطين=والمبتدى كالمنتهى حزن وغبن كذب وألم
نمشي ولكن الخطى شي ٍ شمال وشي يمين=نفهم نعم نفهم أكيد بس البلا بالمفتهم
نحزم ونجزم بالأمور ونثور لأعين مادلين=نزعل على سب الرسول بس الرضى حبة خشم
ننسى نعم ننسى صحيح يا حليلنا متسامحين=ترمى علينا قنبله وردودنا كتب القلم
حييتي صبحا ً أمتي مجدتس بإيدين الراقصين= يا أمة قد ضحكت من جهلها كل الأمم
عزاه يا وقت قضى استذكره وانا حزين=يا وجد وجدي يا صلاح ليتك تجي لحظه تئم
كنا هل العلم العظيم في كل ارض حاكمين=نسعى كما صم الحصى الى تحدر من قمم
واليوم صرنا غافلين نسعى ورى الدنيا بدين=احد ٍ رجم في حجته و أحد ٍ تحلل ما رجم
حييتي دهرا ً أمتي مجدتس بإيدين الغافلين=يا أمة قد أبكيت من جهلها كل الأمم
والسموحه على التقصير
أخوكم محمد بن سلمان الخييلات ..