[معلومات العضو راشد المسعري]

الشاعر القدير عبدالله الحضبي السبيعي

اولاً ارحب فيك في منتدى قبيلة الدواسر الرسمي وانت بلا شك عضو قديم وراعي محل ياعبدالله فمرحبا بك وحياك الله على كل حال وصح لسانك على هذه القصيدة ولاعليكم زود ياسبيع.
وصدق الشاعر سيف الجروي القحطاني حينما مدح سبيع (وهم يستاهلون) بقوله:

ياسبيع ياهل الثلاث الي بها تعرفـون=واهل البخوت الكبار الـي تسمابهـا
واهل البشوت الوساع الي لها تلبسون=اللي تجمل وتذري مـن تـذرا بهـا
ياسبيع يالي على صم الرمك تحتمون=البل بشلف يفض الاراس مضرابهـا
ياسبيع يلي على وقت العسر تكرمون=ياللي على المصراعين تفتح ابوابهـا
ياسبيع يالي بتاريخ العـرب تذكـرون=تحكي التواريـخ عنكـم ونتحاكابهـا
ياسبيع لاكثرت الـردات ماتهزمـون=لاصاحت المحصنات وشقة اجيابهـا
ياسبيع ياهل الرماح الي تفض المتون=اهل عزوة ماتخجـل مـن تعزوابهـا

والمدح بحقكم يقف عاجزاً يالغلباء ووعموما صح لسانك ياعبدالله وتقبل مودتي وتقديري ،،،