بسم الله الرحمن الرحيم
نيابة عن الشاعر المعروف نادر الناهشي والذي اعطاني الثقة بالدخول بمعرفه حيث انه خلف قضبان السجن منذ 3 اشهر .فك الله عوقه واظهره الله سالما حيث حصلت بعض الخلافات البسيطة مع مسؤول شركة الجميح والحمدلله انتهت الامور على خير وفي آخر زيارة له اعطاني هذه القصيدة معنز فيها على الشاعر محمد بن فراج الدوسري يبين فيها احوال الناس وكيف ان الازمان تكشف الناس وتبين معادنهم وطلب مني ان ادخل هذه القصيدة بأسمه..
لابار خلان الرخا يابن فراج=مافادني في الناس كثر احتجاجي
بين المعزة والاهانة والاحراج =صيدي غدى في مردمات العجاجي
بين القريب وببين صاحب وهداج=كيف السواة وكيف تكفى خراجي
انا لهم مانيب للكل محتاج=مانجاك من نار اللظى لبس تاجي
لولا بزور حبهم في الحشا لاج=لاسوجها في واسعات الفجاجي
ماهمني حاسد وعاذل وهراج=اللي تسبب للفحول انزعاجي
تباعة الشيطان حقد وتبهراج=سود الوجيه الكاذبة بازدواجي
ياقلب ياللي للهواجيس مسهاج=للناس مايشكي والله يناجي
مايقهر الرجال والهم زناج=الا الوفا في وقت شرب الهماجي
هذا ونا ماهمني كثر من داج=ارفع على دروب المعزة حجاجي
لاشك انا ابغى الماس والمسك والعاج=قبلي زحول القوم شربوا رجاجي
الانسان لو يسكن عمارات وابراج=للموت في قلب النشاما خجاجي
لايخدعك مالك وجاهك والازواج=والعافية والعلم والابتهاجي
ماكل من دش الحرم عد حجاج=وما كل طير فوق الاغصان ساجي
وقت الشقى مافاد به طب وعلاج=ارجي الولي مانيب للخلق راجي
متى على الله يطلع الفجر ينباج=ويصير عقب المعضلات انفراجي
ويصير درب الشوك زل وديباج=ويستر خلان وتكظم نعاجي
يقوله اللي ماتكسر رغم الازعاج=لو زاد حملي والقشر واحتياجي