[معلومات العضو غلا نجد]

......................................


.............................


...................


...........


......

...

..















بسم الله الرحمن الرحيم.
.
.
.
.
كل يوم اقول عدى .. بكره انسى .. واذكـره

................................اجمع افكاري بعيد .. وفجأه القاها تجيـــــه


ماقدرت أرد حالي عن مجاله .. واقـصــــــره

................................والنفوس الله خلقها تتبع اللي تشـتهيـــــــــه


ليت لي قدره على قلب المعنى واجبـــــــره

................................كان مايمسي عليه الليل كله يحتريــــــــــــه


والله اني لاجمعه ماظي وحاظر وانثــــــــره

................................بين نغمة (لسه فاكر كان زمان) و (حب ايـه)


بس .... ياكبر الغرام اللي عجزت استصغـــره

................................من بديته كنت عارف اني ماأقدر انتهيــــــه


كان لي قصه كبيره كنت احاول ماأخســره

................................كنت اقول ان كل كلي .. كل حالي يفتديــه


كنت احسه في عروقي شي مني وأشعره

................................كنت ابيع الكون كله واندفع له .. مشتريـــه


كنت .. لو ماكنت احبه ما اتجاوز وأعــــذره

................................وان تمادى في خطاه اقول احبه ماعليــــه


كان لي ضحك الصباح وكان ليلي واسهره

................................كنت اوادع به مساي وكان صبحي يبتديـه


واعترف بأنه عشقني ماأقدر اني انكـــره

................................وكان حبه رغم كل اللي يواجهنا نزيـــــــه


واني اول حرف خطَه في مساحة دفتــــره

................................واني اول من يبي قلبه واخر من يبـــــيـــه


بس ياقلب المعني كان طيشه يغـــــــــدره

................................طيش ماهو في يدَيَ افك يدَه من يديـــــــه


طيش .. قلبي ماقواه ولاقوى انه يقــــدره

................................مايجيبه لا عناد ولا تجي مـعه الوجيــــــــه


لين غاب .. وراح عني يحسب اني بـ انطـره

................................وان رجع مشتاق بـ افرح لابسط لي راحتيه


لا حبيبي .. يالغرام اللي احبه ... واذكــــره

................................دام طيشك غر قلبك ..إلا قلبي ..لا تجيــــه