الشاعر الكبير / فالح بن حمود بن عبيد المخاريم الدوسري المعروف (ابن بتلا) قال هذه القصيدة مدح في الشيخ/ الرائد: سعود بن محمد بن خلف بن قويد ، له ونعم والله بالممدوح والمادح ويستاهلون الطيب بني عمنا. |
عيوني وحلو النوم جا بينها حاسود =قالو علامك قلت ما في كافيني
انا ارتاح بالي بعد ما رحت صوب سعود = جلا همي اللي من منامي مقزيني
نصيت الشجاع الجود ابن الشجاع الجود =موازينهم ترجح بثقل الموازيني
تنصيتنا ابن قويد جعله لنا ماجود = حميد الفعايل من قديم وذلحيني
مشى ما مشوا الاجداد وابناء الفهود فهود = له البيض تنشر كاسب المجد والديني
لبو محمد ترسل مع ذاريات النود =تجول بها وتعم كل المياديني
حق لشيخ من الاوايل عريب جدود = كما أطواد شم المجد راسين راسيني
على جرة ابن قويد لا جا البراء مردود =تعلوا على قب تضد المعاديني
يجور ولا ياخذ جوير من أي وفود = يسج الفضاء بموردات العثانيني
يبرالها من كان يروي شبات العود = يسود على كسب النواميس ضاريني
شيوخ البلد والبر غصب على الجحود = تواريخهم تشهد لهم في الدواويني
هذا كلام قاله الشاعر بن حمود =مدح ومجّد في الشيوخ الشريفيني
بعدها المعذرة واسمحولي على المجهود= لو اعد كل الفعل مناب محصيني
وختمانها صلوا عدد مانبت من عود = على المصطفى واشرف جميع النبييني