[معلومات العضو مطلق ا لمخاريم]

كنت اتحلم أمس و اليوم لا غير=حلم ن حلمنا به واصبح حقيقه
حلمت في شخص ن مسك سكة السير=ومعه قبايل كل ابوها عريقه
مشوا سوا قدام يالله عسى خير=لين جلسوا في مجلس ن بالحديقه
في روضة ن خضراء ما فيها سوا الطير=وبخوة نشاما تنجلي كل ضيقه
وجاهم جماعة كل ابوهم مسايير=ما يندرى من ذا ومنهو فريقه
وقام الكبير يسوق كل التباشير=يا مرحبا والدم لازم نريقه
وقهوا الضيوف من الدلال المباهير=من تحتها نار ن تولع حريقه
قام الكبير وداري ن ويش بيصير=عن ذبحة القعدان محد ن يعيقه
وأكرم ضيوفه ما حصل منه تقصير=وأبيض وجه بعيون كل الخليقه
وفي مجلس ن كله رجالن مناعير=هذا ولد عمك وهذا صديقه
كلن يفيد ويستفيد بتعابير=وفيها الرجل ياخذ سوالف رفيقه
وصحيت من نومي وحصلت تفسير=هذا نهج (هايف) وهذا طريقه
جمّع قبايل (للدواسر) بتبرير=لان الردى (هايف) ترى ما يطيقه
من بعد ما حققت حلمي بالاخير=ذبحت انا بتحقيق حلمي عقيقه