السلام عليكم ورحمة الله وبركاته ,,
عُدت لكم وبسرعه بقصيدة بسيطة , امدح من خلالها استاذي الشاعر ( فراج بن فهد ) حفظه الله..
والتي من المستحيل ان توفي حقّه , ولكن هذا ما استطعنا كتابته.. :
ياصاحبي استغفر الله وتأتيك :=كل الدروب الهيّنه في مساري
اختر صحيبك قبلما هو يخاويك=انت الذي تختار طيّب وشاري
خاو الرجال المصبحه بالمساويك=اللي لهم في كل ديره ثماري
اسمع كلام(ن) قد وقاله موصّيك=( فراج ) خاوه مثلما اخ وجاري
لو قلت لك رجل(ن) كريم(ن) واهنيّك=مبروك صحبة صاحب(ن) له شعاري
ماصار صاحب كل همّه في ذالشيك=يركض ورا الاموال في كل داري
ياكثرهم وقت الرخا من يمسّيك=عند الشدايد صاحبك والضراري
امدح بمن له جود من يوم يواليك=ماعاش من يفعل فعال الحِماري !!
وسلامتكم , والله لايهين الجميع.. كل(ن) بحقّه!!
محبّكم / محمد عبدالله الودعاني ,,