[معلومات العضو ذيب آل عريمه]

http://www.imanhearts.com/voices.php...n=show&id=8201



للإستماع

شريط مهنديات // نبكي من الفرقى

نبكي من الفرقى و يُبكى علينا == كثر البكاء ما فاد نمرٍ و سعدون

ننعى من الفرقى و ينعى علينا ==== الدايم الله و المخاليق يفنون

ندفن و يُدفن بالنهاية علينا ===== و لا حيٍ إلاّ بآخر العمر مدفون

نشكي مصايبنا و يُشكى علينا ==ما ينفع الشاكي و من له يشكون

تنبهوا تُرمى وتاهم يجينا ====خذوا زهاب الدرب قبل تمدون

يوم لنا الدنيا و حولٍ علينا= ===تمضي كما الأحلام و أنتم تشوفون

نضحك بها كيفين و تضحك علينا ==== تقول أنا هدّام للي تعمرون

ياما بها نركض و ياما مشينا ===و طول الأمل خلاّك بالوقت مفتون

ياما بها ندله و يا ما سلينا === و ياما شربنا به من الهم و غبون

ياما بها بعنا و ياما شرينا = ====الربح ميه و الخسارات مليون

باكر نخليها و لا إحنا اكتفينا ==== نروح و اللي من بعدنا يروحون

اللي خذا كتابه مع أهل اليمينا ====يفوز عند اللي له الخلق يرجون

و اللي سقط يُكتب مع الساقطينا == في موقفٍ به راعي الدين مديون

تمت و صلوا عد وبلٍ غاشينا == على الشفيع اللي له الخير مضمون