::: مـنتدى قبيلـة الـدواسـر الـرسمي ::: - عرض مشاركة واحدة - يسعد مساكم ياهل الخير بالنور
عرض مشاركة واحدة
قديم 18-05-2008, 06:09 PM   #1
 
إحصائية العضو







سعدبن فيصل آل ناصر غير متصل

سعدبن فيصل آل ناصر is on a distinguished road


افتراضي يسعد مساكم ياهل الخير بالنور

يسعد مساكم يا هل الخيـر بالنـور=ويسعد مساء البحرين واللي سكنها
ما جيت لآجل يقال شاعر ومشهور=ولا جيـت ادوّر للقصيـده ثمنهـا
ما جابني الا غلا الشعر وحضـور=أهل الوجيه اللي قصيدي حضنهـا
ديره كرم والشعب وافي ومفطـور=على الكرم والطيب فيهـم ومنهـا
ديره وفاء واهل الوفاء مابها قصور=ايه انشدوني عن وفاهـم وعنهـا
من قبل لا تبُنا علاقـات وجسـور=انشد شيوخ المجد وانشـد وطنهـا
عن الدواسر كم وكـم راح منعـور=أرخص حياته دونهـا واحتضنهـا
وكم واحدن بفعالهم مـات مقهـور=بسيـوف هنّـد ودمّ كبـده دهنهـا
وكم واحدن قد خاب مسعاه معثـور=ما يدري ان الدار محكّـم رسنهـا
خيّالها يا رايـه الحـرب منصـور=لامـن تفتّـق ثوبهـا مـا كبنّهـا
حامي حمى البحرين وابليس مدحور=من طامع وحَسّـاد يشعـل فتنهـا
ملك الا من قال قوله علـى الفـور=ترخص نفوسن في يمينـه كفنهـا
دون العلم دون الوطن ماتبي شور=يأمر علـى شعبـن يحبّـه وينهـا
آمين قولوا سامع الصوت وحضور=تحفظ حمـد والـدار يالله صنهـا
هذا وانا شاعر سعـودي ومغمـور=وما جيـت ادوّر للقصيـده ثمنهـا
حبيت أمسّي يا هل الخيـر بالنـور=يسعد مساء البحرين واللي سكنهـا

 

 

 

 

    

رد مع اقتباس