[معلومات العضو المهلب]

هذه قصيده قلتها في مناسبه توضحها القصيده ,,,أستهليتها بأبيات من الغزل كعادة الشعراء سابقا ولاحقا ,,,وإن كنت غير مكثرٍ منه ,,,,,أترككم معها راجيآ ان تنال إستحسانكم :

النوم عياّ يطب العين ياآما = من سبة عيونك اللي تطرد النومي
يازين نظراتها من عقب سلهامها = يحرج نظرها وأغض الطرف وأقومي
من يوم ماجيتكم والقلب بك هاما = والقلب حرٍ وعين صيدة الحومي
صيدته من لابةٍ من روس الأرواما = من دار أكسفورد من بريطانيا الرومي
ديرة كفاران والله يعز الأسلاما = لاشك جينا لها من شان ملزومي
نطلب علومٍ تنومسنا بالأنعاما = وتنومس اللي ورانا يآخذ اعلومي
والحب مافيه عيب قبل ما آلاما = الحب قد طب فيه شيوخ وقرومي
وحنا تغزالنا مافيه حارآما = ماغير بلا نقضي الوقت واليومي
ولا فأنا مثل حرّ(ن) في العلا شاما = ماهوب يمشي مع الشبوط والبومي
والنفس عودتها للعز تنهاما = لاصار هم الردي في البطن وهدومي
وختامها بالصلاة وخير سآلاما = على نبيّ من الزلات معصومي

,,,,,,,,,,,,,,,,,,,,,,,,,,,,,, وسلامتكم ,,,,,,,,,,,,,,,,,,,,,,,,,,,,,,,,,