آلا ياهنيتس يوم شفتيه ياعيني= لتس سنين ماظنيتي انتس تشوفينه
ولاهوب لاعام ولاهوب عاميني=مضى الوقت ونتي كل يوم تحرينه
وشيء جرالتس قد جرا للمحبيني= ومن حسن حظتس شفتي اللي تمنينه
هذا اللذي من شوف غيره تصديني= تصدين من غيره على شان ترضينه
وهذا الزعيم بقرن واحد وعشريني= وهذا اللذي كن سحر هاروت في عينه
ليامن نظرني حطم القلب قسميني=وقمت اتدخل في صلاته وفي دينه
كانتس بعد ياظامر الخو ترجيني= ترا اللي حصللي كافي لاتزيدينه
لنا الهم واللي غيرنا مستفيديني= ومن زود خيرتس ليت شرتس تكفينه
نهار تواعدني ويوم تمنيني=وحبل المواصل بيننا ماتمدينه
الشاعر/حمود بن عبيد آلــ بريكـــ